დავასრულეთ საზოგადოებრივ კოლეჯ “კავკასიონში” სწავლის საოცარი სიხარულითა და ზღვა ემოციით აღსავსე ორი წელი. ამ პერიოდში ჩვენი გონებრივი განვითარებისა და პროფესიული სიძლიერისთვის ზრუნავდნენ ლექტორების არაჩვეულებრივი და უმაგრესი ჯგუფი, რისთვისაც უდიდეს მადლობას ვუხდი მათ და მთლიანად ადმინისტრაციას. ისინი დაუზარებლად, სრული შემართებით ყოველთვის გვერდით გვედგნენ და გვეხმარებოდნენ.
მათი სახით უფროსი მეგობრებიც შევიძინეთ, და ზუსტად ვიცი, რომ როცა არ უნდა დაგვჭირდეს, მათი იმედი ყოველთვის შეგვიძლია გვქონდეს – ისინი მუდამ ჩვენს გვერდით იქნებიან.
ჩვენს კოლეჯში სუფევს ძალიან თბილი და საოცრად მეგობრული გარემო. როგორც კი ფეხს შეაბიჯებ, მაშინვე იგრძნობა ეს სიმხურვალე – თავს უცხოდ რომც გინდოდეს, ვერ იგრძნობ. გეგონება, რომ სახლში ხარ, დიდ ოჯახში. სახლში ყოფნა კი ისეთივე კარგია, როგორიც ჩვენს კოლეჯში, რისთვისაც მადლობა მათ – თითოეულ სტუდენტს თავი სახლში გვაგრძნობინეს.
ზუსტად ამიტომაც რთულია მათთან გამომშვიდობება… რთულია, რადგან სტუდენტობის უმაგრესი ორი წელი გავატარე ამ არაჩვეულებრივ კოლეჯ “კავკასიონში”.
მე, ფარმაციის კურსდამთავრებული, სიამაყით ვაცხადებ: კოლეჯ “კავკასიონში” სწავლა ჩემი ცხოვრების ყველაზე ზუსტი, მაგარი და სწორი არჩევანია – ამისთვის უდიდეს მადლობას ვუხდი ყველას!
ავტორი: ფარმაციის 300-23 ჯგუფის კურსდამთავრებული მარიამ ღორობერიძე