მინდა მადლიერება გამოვხატო საზოგადოებრივი კოლეჯ „კავკასიონის“ და მისი გუნდის მიმართ, რადგან ჩემი ცხოვრების ერთ-ერთი მნიშვნელოვანი ეტაპია ამ კოლეჯში გატარებული დრო.
აქ სწავლამ მომცა შანსი და შესაძლებლობა არა მხოლოდ პროფესიული ცოდნა მიმეღო, არამედ პიროვნულადაც გავზრდილიყავი.
კოლეჯში სწავლამ მასწავლა პასუხისმგებლობა, გუნდური მუშაობა და მიზნისკენ სვლა.
ფარმაციის მიმართულებით მიღებულმა ცოდნამ გამიხსნა კარი ჩემს მომავალ პროფესიაში — პრაქტიკული სწავლების წყალობით უკეთ გავიგე, როგორ მუშაობს ჩემი სფერო რეალურ ცხოვრებაში.
კოლეჯი ჩემთვის არის ადგილი, სადაც არა მხოლოდ ცოდნა, არამედ ადამიანური ღირებულებებიცაა თავმოყრილი — შესანიშნავი ლექტორების წყალობით.
მინდა უღრმესი მადლობა გადავუხადო კოლეჯ „კავკასიონის“ უაღრესად განათლებულ, მეგობრულ და ერთ ოჯახად შეკრულ გუნდს.
განსაკუთრებით მადლიერი ვარ იმ შესაძლებლობისთვის, რომ სწავლასთან ერთად შევძელი გამმკლავებოდი იმ დიდ პასუხისმგებლობას, რასაც დიდი ოჯახის წინაშე ნაკისრი ვალდებულებები ჰქვია (მყავს მეუღლე და ოთხი შვილი).
თქვენი გუნდის წყალობით მივხვდი, რომ სწავლა მართლაც არასოდესაა გვიან — დატვირთული დღეები, ოჯახური ვალდებულებები და ათასი გამოწვევა ვერ შეაჩერებს ადამიანს, თუკი მას აქვს მიზანი.
განსაკუთრებული მადლობა ამ შესაძლებლობისთვის.
პატივისცემით,
ფარმაციის 300-24 ჯგუფის სტუდენტი: სოფო სხილაძე